Serbske šulske towaristwo z.t.
Licbowy droga: Zapókyšte licby

download na kóńcu teksta

Materialije

pśedłoga „Licbowu drogu zeznaś“

zwónašk


Pśigótowanje

Licbowe wobraze ako licbowu drogu na zemi wupołožyś, ale nic kšuśe pśicynś.


Pśewjeźenje

Toś to graśe móžośo pśewjasć, gaž su wšykne źiśi licbowu drogu zeznali a mógu wěsće (sicher) wót 1 do 10 doprědka a slědk licyś. Pśi toś tom zwucowanju z licboweju drogu pomjenjuju źiśi licbu, kótaraž jo zapókšyta. Graśe se dejało tak cesto ako móžno pśewjasć, daniž njamógu wšykne źiśi licby pomjenjowaś, bźez togo až stawnje zasej pśi licbje jaden chapjaju. Licyś wót někajkeježkuli licby sem (das Zählen von einer beliebigen Zahl aus) jo wažna zamóžnosć, kótaraž se z tym spěchujo.

Wšykne źiśi se sednu w jadnej smuze pódla wupołoženeje licboweje drogi. Jadno góle se wuzwólijo a se stupijo pśed licbu 1. Wótkubłaŕka pšosy góle wócy zacyniś. Druge góle wobrośijo jadnu kórtu a ju z tym zapókšyjo. Gaž zaznějo zwónašk, wótcynijo prědne góle swójej wócy a głosnje licbu, kótaraž jo zapókšyta, pomjenjujo. Akle pó tom smějo góle toś tu kórtu wobrośiś. Jolic góle licbu njewě, to wótkubłaŕce signalizěrujo, a wóna jomu pytanu licbu śicho pśišepoco (zuflüstern). Teke druge góle móžo pomagaś a wótpowědnu licbu pśišepotaś.

Na kóńcu nalicyju wšykne gromaźe licbowu drogu wót zapókšyteje licby sem slědk až do licby 1 abo doprědka až do licby 10. Wótkubłaŕka póstaja (festlegen), do kótarego směra źiśi lice. Jolic se na pśikład licba 8 pyta, pótom licćo wót licby 8 slědk do licby 1. Góle, kótarež jo měło nadawk, licbu pomjenjowaś, ženjo póspóromje (entlang) licboweje drogi w samskem tempje, ako se licby nalicyju. A se wě, jadnotliwe góle teke głosnje sobu licy. Wótkubłaŕka móžo góle teke pšašaś, lěc co same głosnje licyś abo lěc co gromaźe z drugimi źiśimi licyś.

Dokulaž laže kórty pśi toś tom graśu jano na zemi a njejsu kšuśe pśicynjone, ženjo góle licbowu drogu doprědka a slědk pódla wobrazowych kórtow a nic na nich. Howacej by mógało góle se wobsunuś (ausrutschen).



sad a zelenina
Licbowy droga: Zapókyšte licby

download na kóńcu teksta

Materialije

pśedłoga „Licbowu drogu zeznaś“

zwónašk


Pśigótowanje

Licbowe wobraze ako licbowu drogu na zemi wupołožyś, ale nic kšuśe pśicynś.


Pśewjeźenje

Toś to graśe móžośo pśewjasć, gaž su wšykne źiśi licbowu drogu zeznali a mógu wěsće (sicher) wót 1 do 10 doprědka a slědk licyś. Pśi toś tom zwucowanju z licboweju drogu pomjenjuju źiśi licbu, kótaraž jo zapókšyta. Graśe se dejało tak cesto ako móžno pśewjasć, daniž njamógu wšykne źiśi licby pomjenjowaś, bźez togo až stawnje zasej pśi licbje jaden chapjaju. Licyś wót někajkeježkuli licby sem (das Zählen von einer beliebigen Zahl aus) jo wažna zamóžnosć, kótaraž se z tym spěchujo.

Wšykne źiśi se sednu w jadnej smuze pódla wupołoženeje licboweje drogi. Jadno góle se wuzwólijo a se stupijo pśed licbu 1. Wótkubłaŕka pšosy góle wócy zacyniś. Druge góle wobrośijo jadnu kórtu a ju z tym zapókšyjo. Gaž zaznějo zwónašk, wótcynijo prědne góle swójej wócy a głosnje licbu, kótaraž jo zapókšyta, pomjenjujo. Akle pó tom smějo góle toś tu kórtu wobrośiś. Jolic góle licbu njewě, to wótkubłaŕce signalizěrujo, a wóna jomu pytanu licbu śicho pśišepoco (zuflüstern). Teke druge góle móžo pomagaś a wótpowědnu licbu pśišepotaś.

Na kóńcu nalicyju wšykne gromaźe licbowu drogu wót zapókšyteje licby sem slědk až do licby 1 abo doprědka až do licby 10. Wótkubłaŕka póstaja (festlegen), do kótarego směra źiśi lice. Jolic se na pśikład licba 8 pyta, pótom licćo wót licby 8 slědk do licby 1. Góle, kótarež jo měło nadawk, licbu pomjenjowaś, ženjo póspóromje (entlang) licboweje drogi w samskem tempje, ako se licby nalicyju. A se wě, jadnotliwe góle teke głosnje sobu licy. Wótkubłaŕka móžo góle teke pšašaś, lěc co same głosnje licyś abo lěc co gromaźe z drugimi źiśimi licyś.

Dokulaž laže kórty pśi toś tom graśu jano na zemi a njejsu kšuśe pśicynjone, ženjo góle licbowu drogu doprědka a slědk pódla wobrazowych kórtow a nic na nich. Howacej by mógało góle se wobsunuś (ausrutschen).



sad a zelenina